Umsagnir
Ég var í fyrstu efins um að Arinbjörn væri rétti maðurinn til að prófarkalesa fræðilegan texta
um leikritaþýðingar, þar sem umfjöllunarefnið væri ef til vill fjarri hans reynsluheimi. Þegar
til kom reyndist það þó einmitt vera kostur. Með hans hjálp fékk ég ákveðna fjarlægð á það
sem ég hafði skrifað og ástæðu til að skýra ýmislegt og endurraða öðru. Fyrir utan
nákvæman og góðan prófarkalestur, er ég þakklát fyrir hversu vel hann setti sig inn í efnið og hversu gagnlegar vangaveltur hans og spurningar reyndust.
Tinna Gunnlaugsdóttir
leikari, doktorsnemi og fyrrverandi þjóðleikhússtjóri
Arinbjörn tók þá þegar góðan texta og gerði hann frábæran. Við erum öll alveg í skýjunum með ársskýrsluna. Á einhvern undraverðan hátt nær hann að vera vandvirkur, nákvæmur og hraðvirkur ásamt því að vera á sama tíma einstaklega viðmótsþýður og bóngóður. Heilshugar gef ég honum mín bestu meðmæli.
Eva Pandora Baldursdóttir
verkefnastjóri upplýsingamála og samskipta
á þjónustu- og nýsköpunarsviði Reykjavíkurborgar
Ég get hiklaust gefið Arinbirni mín bestu meðmæli sem prófarkalesara og öll samskipti við hann eru hin ánægjulegustu.
Helstu kostir hans eru að orðum hans má treysta, hann er fljótur að vinna, fljótur að tileinka sér nýja hugsun og hugmyndir og getur á skömmum tíma sett sig inn í flókinn texta. Vegna þess verður yfirlesturinn ekki bara leiðréttingar heldur gerir hann einnig tillögur og veitir góðar ábendingar um textaflæði og heildarsamræmi textans.
Í framtíðinni mun ég án umhugsunar leita til Arinbjarnar með frekari verkefni.
Inga Sigrún Atladóttir
stjórnarformaður og meðeigandi Leiðtogasamfélagsins ehf.
áður skólastjóri
Ég var lengi hikandi við að leita mér aðstoðar prófarkalesara vegna lokaritgerðar minnar til meistarprófs í lögfræði frá HÍ. Ég óttaðist að slík vinna yrði gagnslítil, vegna þess hve efnislega þungur og flókinn texti ritgerðarinnar er. Ég leitaði þó sem betur fer til Arinbjarnar áður en ég skilaði ritgerðinni. Öll samskipti voru sérstaklega þægileg. Við náðum hratt að koma upp góðri samvinnu og móta stefnu um með hvaða hætti yfirlesturinn skyldi vera.
Afraksturinn af vinnu Arinbjarnar var vonum framar. Yfirferð hans var mun ítarlegri en ég hafði gert mér vonir um, án þess þó að eytt væri tíma í atriði sem ekki skiptu máli.
Ég er virkilega ánægð með öll vinnubrögð Arinbjarnar og mun hiklaust leita til hans í framtíðinni. Hann náði sannarlega að gera minn texta miklu betri á mjög skömmum tíma.
Guðrún Ásta Ólafsdóttir
lögfræðingur
Arinbjörn sinnti prófarkalestri og ritstjórn af mikilli lipurð og nákvæmni fyrir útgáfu bókar minnar, sem ber að þakka. Við yfirferð handritsins átti hann ríkan þátt í að auka skýrleika og gæði textans.
Arinbjörn er skipulagður í vinnubrögðum og jákvæður, sem er ein af ástæðunum fyrir að skemmtilegt er að vinna með honum.
Þórarinn Örn Þrándarson
höfundur og ritstjóri
Ég þekki Arinbjörn ágætlega frá fyrri tíð, þegar hann var starfsmaður Hafnarfjarðarbæjar og ég bæjarfulltrúi og bæjarstjóri. Þegar ég þurfti nýverið aðstoð við yfirlestur og textavinnslu – og hlutirnir þurftu að gerast í síðasta lagi í gær, þá datt mér strax í hug Arinbjörn, veit að hann tekur slíkt að sér.
Af hverju Arinbjörn? Einfaldlega af því að ég vissi að ef hann segðist geta skilað á tilteknum tíma, þá stæðist það. Í ferli eins og útgáfu jólablaðs, er maður alltaf í tímaþröng. Standast þarf tímafresti, í umbroti, í prentsmiðjunni og hjá póstinum. Ef eitt stenst ekki – þá renna jólin einfaldlega fram hjá og jólablaðið kemur ekki út fyrr en í janúar.
Ég var ekki svikinn. Arinbjörn gengur óhikað til verka, skilar af sér hratt og örugglega og það sem mest er um vert, þú getur treyst því að verkefnið er leyst af hendi eins og best verður á kosið.
Guðmundur Rúnar Árnason
framkvæmdastjóri Verkalýðsfélagsins Hlífar – og ritstjóri Hjálms
Arinbjörn sá um prófarkalestur á stuttu skáldverki sem ég þurfti að fá lesið yfir fljótt. Ég þekkti hann ekki frá fyrri tíð heldur fann hann hér á þessari ágætu heimasíðu. Ég hringdi í hann morgun einn. Okkur tókst fljótt að semja um verkið sem hann gekk svo rakleiðis í að afgreiða og skilaði af sér síðar sama dag! Framúrskarandi viðbragð að mínu mati. Allt sem hann sagðist geta aðstoðað mig með gerði hann og gott betur. Textinn batnaði til muna og ég lærði ýmislegt af Arinbirni sem ég get nýtt mér áfram. Hann fær mín bestu meðmæli.
Ragnar Lárusson
skáld
Arinbjörn hefur annars vegar einstök tök á íslensku máli og textagerð og hins vegar mikla greiningarhæfni gagna og að setja þau fram á skýran hátt sem er mjög sjaldgæft að fari saman.
Þetta nýttist mjög vel á sameiginlegum vinnustöðum okkar, hjá Hafnarfjarðarbæ og í stjórnarráðinu.
Sveinn M. Bragason
sérfræðingur í dómsmálaráðuneytinu
áður fjármálastjóri Hafnarfjarðarbæjar
Það krefst mikils trausts að fela öðrum rödd sína og einnig sérstaka hæfileika í að mynda samhljóm þegar margir mismunandi pennar koma að skrifum og textagerð.
Ég hef leitað til Arinbjarnar með nokkur fjölbreytt textaverkefni því hann hefur sýnt það og sannað að hann er traustsins verður, hefur sérlega næmt auga fyrir smáatriðum, án þess að tapa yfirsýn og hefur víðtæka þekkingu á hinu ritaða orði.
Ingvar Jónsson
framkvæmdastjóri Profectus
„Sæl, Arinbjörn frá Bjargi hér.” Svona kynnti hann sig fyrir mér í fyrsta skiptið sem við hittumst – en þetta er einmitt kveðja sem lýsir honum og verkefnunum sem hann skilar svo vel, – opinn, blátt áfram, nákvæmur og einlægur.
Eiginleikar sem komu vel fram þegar við unnum saman, meðal annars við textaskrif og ritstjórn greinargerða fjárhagsáætlana Hafnarfjarðarbæjar þar sem leiðir okkar lágu saman í nokkur ár.
Eiginleikar sem skila skemmtilegum texta, hnitmiðuðum og alvöru, – því þannig er Arinbjörn.
Steinunn Þorsteinsdóttir
upplýsingafulltrúi Landsnets
áður upplýsingafulltrúi Hafnarfjarðarbæjar
Í starfi mínu sem framkvæmdastjóri hjá Sameyki hef ég verið í reglulegum samskiptum við Arinbjörn vegna starfa hans fyrir félagið.
Samskiptin hafa að mestu verið gegnum tölvupósta sem hafa kallað á skýran og lýsandi texta, sem hægt er að grundvalla ákvarðanir á.
Arinbjörn hefur mjög gott lag á að draga upp kjarna málsins í hnitmiðum textum sem birta ábyggilega mynd af þeim verkefnum sem hann hefur haft með höndum.
Þórarinn Eyfjörð
framkvæmdastjóri Sameykis
stéttarfélags í almannaþjónustu
Kynni okkar Arinbjarnar ná aftur til ársins 1997 þegar við unnum báðir hjá Tæknivali.
Haustið 2020 endurnýjuðum við kynnin, þegar ég leitaði til Arinbjarnar með yfirferð og lagfæringar texta. Arinbjörn lagði til ýmsa gagnlega punkta um textauppbyggingu og skilgreiningar.
Hann fór gagnrýnum augum yfir textann með það markmið að skilaboð textans yrðu hnitmiðuð, samræmd og á mannamáli. Hann vandaði til verks við að umorða það sem betur mátti fara og gerði textatillögur með betra málfari, framsetningu og flæði textans.
Vandvirkni og nákvæmni eru orð sem lýsa Arinbirni vel.
Valgeir Ólafsson
framkvæmdastjóri Tölvuaðstoðar
Ég fékk Arinbjörn til að aðstoða okkur við textagerð hjá Veföld. Leið flestra nýrra viðskiptavina okkar liggur í gegnum netið og því er mikilvægt að textinn á vefnum okkar sé faglegur og grípandi. Arinbjörn kynnti sér starfsemi og sögu fyrirtæksins og kom til baka með texta og ábendingar sem við vorum svo sannarlega ánægðir með.
Arinbjörn er líka mjög góður að hlusta eftir efnispunktum og hugsunum og koma í góðan skrifaðan texta og einstaklega þægilegt að vinna með honum.
Ég óska Arinbirni farsældar og velgengni á þessum nýja góða heimavelli hans og gef honum mín bestu meðmæli.
Gunnlaugur Arnar Elíasson
framkvæmdastjóri Vefaldar